Scenario:
Napan ni Trinidad idiay kaprutasan. Adu dagiti presko a prutprutas. Masapulna ti rekado ti aramidenna a fruit salad. Napan iti ayan ti sukina a ni Baket Conching.
“Nana Conching, gumatangak man ti maysa a kilo ti mansanas, kagudua a kilo ti cherries ken grapes.”
Kinilona ida. Ochenta ti maysa kilo ti mansanas ken ken kuarenta ti maysa a kilo ti cherries ken grapes. Insupot ni Nana Conching dagiti ginatangna.
“Agyamanak, Nana.”
Idi kuan, mabisinen ta nabayag metten nga aglikaw-likaw iti uneg ti tiendaan. Adda nalabsanna nga aglaklako iti pancit bihon ken chicharon.
“Basang, mano ti maysa a plato a pancit bihon?”
“Siento bainte, Manang.”
“Di la mabalin nga itedmo iti siento ta mangalaak iti dua.”
"Saan a mabalin, Manang."
"Ket daytoy chicharon, mano ti maysa a supot?"
"Sesenta, Manang."
"Mabalin nga itedmo iti singkuenta ta mangalaak ti dua."
"Mabalin, Manang."
Nangina unay, isu a saan a gimmatang ni Trinidad ti pancit bihon, ngem gimmatang met laeng ti dua a supot a chicharon ta mabisbisen. Intuloyna ti naglawlaw idiay tiendaan. Adu dagiti aglako ti nasadiwa nga ipon ta tiempona ita. Inasitganna ti maysa nga aglaklako.
“Tata, mano ti maysa a kilo?”
“Siento trenta, balasangko.”
“Nasadiwa met laeng dagitoy?”
“Ket wen a. Kaalalami itay bigat.”
“Siento bainte lattan.”
“Mangalaak man ngarud ti dua kilo.”
Napan met idiay paglakuan dagiti luplupot.
“Gumatangak man la ti maysa a yarda ti tela Nana. Mano ti maysa yarda?"
"Singkuenta, anakko.”
“Mabalin a kuarenta tapno mangalaak ti tallo a yarda."
"Ay, saan a mabalin anakko. Malugiakto."
"Ikkannak man ngarud iti maysa a yarda, Nana.”
“Agaramidakto ti supot ti punganko.”
“Adda pay kadi tela a kayatmo a gatangen?”
“Sagmamano daytoy?”
"Ochenta, anakko."
“Ay, nagnginan! Bayamon. Agyamanak Nana."
Idi nabannogen, nagawid ni Trinidad tapno makainana sakbay nga agaramid daydiay fruit salad..